Angallatinik nakkutiginninneq

Angallatinik nakkutiginninneq 

Aalisarsinnaanermut Akuersissutinik Nakkutilliisoqarfik (KANUAANA/GFLK) pisortat oqartussaaffigaat, qularnaassallugu aalisarneq maleruagassat naalakkersuinikkut aalajangiunneqartut malillugit ingerlanneqassasoq. Aalisarnermik nakkutilliinerup ilagaa, Angallatinik nakkutiginninneq.

Angallatinik nakkutiginninneq qaammataasatigut atortorissaarutit atorlugit aalisariutit sumiinneri nakkutigineqartarput. Tamatuma kingunerisaanik kalaallit aalisariutaat aalajangersimasut qaammataasatigut atortulersuutinik ikkussuinissamik pisussaaffeqarput. Tamanna piumasaqaataavoq inuussutissarsiutigalugu aalisarnermik ingerlatsisinnaanerannut.

Nakkutilliinermut atortulersuutinik ikkussuisussaavutit, imaappat

  • Angallatit oqimaassutsimigut 50 BRT/BT 90-iuppat angineruppallu
  • Kalaallit Nunaata aalisarsinnaanermut killeqarfiata iluani aalisakkanik imaluunniit aalisakkanik tunisassianik usilersorsimasutit, aalisariutaativit angissusia sumiluunniit najugaqarnera apeqqutaatinnagu
  • Nunat tamalaat suulluunniit aalisarfigisinnaasaanni aamma nunat allat killeqarfiisa iluanni aalisaruit


Nunanit allaneersut aalisariutaat tamakkerlutik, qanorluunniit angissuseqarunik, Kalaallit Nunaata aalisarsinnaanermut killeqarfiata iluani aalisartut, qaammataasatigut atortulersuutinik ikkussuiffigineqarsimallutillu ikumatitsissapput.

Piginnittutut illit atortulersuutit aamma angallatinik nakkutilliinermut atortulersuutit inatsisitigut pisussaaffiusut (FOE) pisiarinerannut, ikkussornerinut atornerannullu akiliissaatit:

  • Sinerissamut qanittumi aalisariutinut atortulersuutit ARGOS imaluunniit Waterdog atortorissavatit
  • Avataani aalisariutinut atortulersuut Inmarsat C atussavat


Kalaallit Nunaata killeqarfiata avataani aalisaruit, oqartussaasunut susassaqartunut illit sumiinnerit nakkutilliinermi atortulersuutit isumaminnik nassiussussavaat. Nunat ataasiakkaat aamma nunanut tamalaanut maleruagassat erseqqinnerusumik ilisimassallugit pisussaavutit.


Malugiuk

  • FOE ikkussuukkukku piiarluguluunniit, tamanna KANUAANA-mut nalunaarutigissavat. Taamak iliussaatit uppernarsaatip immersorneratigut. Uppernarsaat uani aasinnaavat
  • FOE atorsinnaanngippat, tamanna KANUAANA-mut erngersumik nalunaarutigissavat. Angallatit tulaqqappat, FOE iluarsaanneqareersinnagu aallarsinnaanngilatit
  • Aalisarnerup nalaani FOE aserorpat, umiarsualivimmut talinneq siulleq iluarsaanneqarnissaa isumagissavat. KANUAANA-mut sumiinnerit nammineerlutit ullut tamaasa nalunaarutigisarukku, aalisarnerit ingerlatiinnarsinnaavat


Aalisarnermik nakkutilliinermi suleqatigiinnissamut pisussaaffeqarputit. Taamak iliunngikkuit mianersoqqussummik tunineqarsinnaavutit imaluunniit politiinut nalunaarutigineqarsinnaavutit akiligassinneqarlutillu.

Allaaserisat attuumassutillit

Kalaallit Nunaanni Aalisarsinnaanermut Akuersissutinik Nakkutilliisoqarfik (KANUAANA)
Indaleeqqap Aqq. 3
Postboks 501
3900 Nuuk

Oqarasuaat: (+299) 34 50 00
Fax: (+299) 34 63 60
E-mail: gflk@nanoq.gl
Nittartagaq: www.naalakkersuisut.gl