Avinneq

Nalinginnaasumik paasissutissiineq 

Illit, aappallu katissimasavit marluullusiluunniit inooqatigiikkunnaarnissaq siunniussimagussiuk, averusernissamut pisinnaatitaaffeqarpusi. Avinnissamik qinnuteqaateqannginnissinni sivikinnerpaamik qaammatini arfinilinni averuseqqareersimanissarsi nalinginnaasumik piumasaqaataavoq.

Immikkut pisoqartillugu averuseqqaanngikkaluarlutit avissinnaavutit. Taamaattoqarsinnaavorlu assersuutigalugu:
  • Ukiuni kingullerni marlunni avissaaqqallusi inuusimagussi
  • Aappat allasiorsimappat
  • Aappavit angerlarsimaffimmi ilinnut meeqqanulluunniit nakuusersimappat
  • Aappat allamik katissimappat

Averuseqqareernermi avinneq 

Avinnginnermi averusersimanissaq nalinginnaasumik piumasaqaataavoq.

Kalaallit Nunaanni Naalagaaffiup Sinniisoqarfia aqqutigalugu avissinnaavusi:
  • Sivikinnerpaamik qaammatini arfinilinni averuseqqasimagussi
  • Averusernerup nalaani suli inooqatigiinngikkussi imaluunniit aappariileqqissimanngikkussi
  • Avinnissaq marluullusi kissaatigigussiuk
  • Avinnermi atugassarititaasut isumaqatigiiffigigussigit

Averuseqqareernermi avinniarussi qinnuteqaat immersuiffissaq atorneqassaaq.

Immersugassaq Naalagaaffiup Sinniisuata nittartagaatigut aasinnaavat.

Avinnermi atugassarititaasut aaqqiagiinngissutigigussigit imaluunniit aappaasoq kisimi avinniarpat Naalagaaffiup Sinniisua aqqutigalugu avissinnaanngilasi. Tamatumunnga taarsiullugu eqqartuussivimmut saaffiginnissaasi. Aappaasoq kisimi avinniarpat ukioq ataaseq averuseqqareernermi aatsaat avissinnaavusi.

Averuseqqaarsimanani avinneq 

Immikkut pisoqartillugu averuseqqaanngikkaluarlutit avissinnaavutit.

Ukiut marluk najugaqatigiissimanani avinneq
Aaqqiagiinngissuteqarneq pissutigalugu ukiut kingulliit marluk aappat najugaqatigisimanngikkukku avissinnaavutit.

Ukiut marluk najugaqatigiinnginnermi avinnissaq qinnuteqaatigissagukku qinnuteqarnermi immersuiffissaq immersussavat.

Immersugassaq Naalagaaffiup Sinniisuata nittartagaatigut aasinnaavat

Allasiorneq pissutigalugu avinneq
Aappat allasiorpat avissinnaavutit.

Allasiorneq pissutigalugu Kalaallit Nunaanni Naalagaaffiup Sinniisoqarfia aqqutigalugu avissinnaavutit:
  • Aappavit allasiorsimanera akuerinngikkukku
  • Ukiut kingulliit marluk ingerlaneranni allasiorneq pisimappat
  • Qaammatit arfinillit qaangiutsinnagit aappavit allasiornerata paasineranit avinnissamik qinnuteqaruit
  • Avinnissamut marluullusi kissaateqarussi
  • Avinnissamut atugassarititaasut akuerigussigit

Allasiorneq pissutigalugu avinnissamut qinnuteqarniaruit qinnuteqarnissamut immersuiffissaq immersussavat.

Immersugassaq Naalagaaffiup Sinniisuata nittartagaatigut aasinnaavat

Qinnuteqarnermi immersukkamut ilanngullugu aapparisamut, katissimasannut imaluunniit aapparisimasamut nalunaarut ilanngutissavarsi.

Avinnissamut atugassarititaasut isumaqatigiissutigisinnaanngikkussigit, imaluunniit katissimasavit avinnissaq kissaatiginngippagu, Naalagaaffiup Sinniisoqarfia aqqutigalugu avissinnaanngilatit. Eqqartuussivimmut saaffiginnissaatit.

Nakuuserneq pissutigalugu avinneq
Aappavit angerlarsimaffimmi illit imaluunniit meeqqanut nakuusersimappat, avissinnaavutit.

Nakuuserneq pissutigalugu Kalaallit Nunaanni Naalagaaffiup Sinniisoqarfia aqqutigalugu avissinnaavutit:
  • Nakuusernerup paasineranit ukioq ataaseq qaangiutsinnagu qinnuteqaruit (assersuutigalugu meeqqat nakuuserfigitissimappata)
  • Nakuusernerup kingorna ukiut pingasut qaangiutsinnagit avinnissamut qinnuteqaruit
  • Nakuusersimaneq pillugu uppernarsaasinnaaguit, assersuutigalugu politiinit uppernarsaat imaluunniit nakorsamit oqaaseqaat
  • Marluullusi avinnissaq kissaatigigussiuk
  • Avinnissamut atugassarititaasut isumaqatigiissutigigussigit

Nakuuserneq pissutigalugu avinnissamut qinnuteqarniaruit, qinnuteqarnissamut immersuiffissaq immersussavat.

Immersugassaq Naalagaaffiup Sinniisuata nittartagaatigut aasinnaavat

Avinnissamut atugassarititaasut isumaqatigiissutigisinnaanngikkussigit, imaluunniit aappavit avinnissaq kissaatiginngippagu, Naalagaaffiup Sinniisoqarfia aqqutigalugu avissinnaanngilatit. Eqqartuussivimmut saaffiginnissaatit.

Ataatsikkut marlunnik katissimalluni aappaqarneq pissutigalugu avinneq
Paasinarsippat aappat allamut katissimasoq, illit avissinnaavutit.

Marlunnik katissimaneq pissutigalugu avinnissamut qinnuteqarniaruit, qinnuteqarnissamut immersuiffissaq immersussavat.

Immersugassaq Naalagaaffiup Sinniisuata nittartagaatigut aasinnaavat

Avinnissamut atugassarititaasut isumaqatigiissutigisinnaanngikkussigit, imaluunniit aappavit avinnissaq kissaatiginngippagu, Naalagaaffiup Sinniisoqarfia aqqutigalugu avissinnaanngilatit. Eqqartuussivimmut saaffiginnissaatit.

Qinnuteqarneq 

Avinneq Naalagaaffiup Sinniisoqarfianit akuerineqarsinnaavoq imaluunniit eqqartuussivitsigut aalajangiivigineqarsinnaavoq.

Kalaallit Nunaanni Naalagaaffiup Sinniisoqarfia aqqutigalugu avissinnaavusi:
  • Marluullusi avinnissaq kissaatigigussiuk
  • Avinnissamut atugassarititaasut isumaqatigiissutigigussigit

Eqqartuussivimmut saaffiginnissaasi:
  • Aappaannaata avinnissaq kissaatigippagu
  • Atugassarititaasut isumaqatigiissutigisinnaanngikkussigit

Naalagaaffiup Sinniisoqarfia aqqutigalugu avinnissamut qinnuteqarniarussi, qinnuteqarnissamut immersuiffissaq immersussavarsi.

Immersugassaq Naalagaaffiup Sinniisuata nittartagaatigut aasinnaavat

Aamma Kalaallit Nunaanni Naalagaaffiup Sinniisoqarfianut qinnuteqarnissamut immersuiffissaq aasinnaavat imaluunniit Nuup avataaniikkuit politiinut aasinnaavat.

Qinnuteqaammut ilanngutissavasi uiusup, nuliaasup aammalu meeraqarsimagaanni meerarisat:
  • Katissimaneranut uppernarsaatit assilineri
  • Inunngorsimanermut allagartap assilineri
  • Kuisinnermut allagartap assilineri

Allakkat eqqortut ilanngussimanngikkussigit, Naalagaaffiup Sinniisoqarfianit suliaq ilissinnut tunngasoq suliarineqarsinnaanngilaq.

Nuummi najugaqarussi, qinnuteqarnermut immersugaq kiisalu allakkat pisariaqartut tamaasa ilanngullugit Naalagaaffiup Sinniisoqarfianut nassiutissavasi. Nuup avataani najugaqarussi, politiinut tunniukkiartussavasi.

Qaasuitsup Kommunia
Postbox 1023
3952 Ilulissat

Oqarasuaat: (+299) 94 78 00
Fax: (+299) 94 25 52
E-mail: qaasuitsup@qaasuitsup.gl
Nittartagaq: http://www.qaasuitsup.gl

Naalagaaffiup Sinniisoqarfia
Indaleeqqap Aqq. 3
Postboks 1030
3900 Nuuk

Oqarasuaat: (+299) 32 10 01
E-mail: ro@gl.stm.dk
Nittartagaq: www.rigsombudsmanden.gl