Inissiat attartortittakkat – Attartukkamik allamut attartortitseqqinneq

Inissiat attartortittakkat – Attartukkamik allamut attartortitseqqinneq 

Inissiaq attartortittagaq tassaavoq inissiaq assersuutigalugu inissiarsuarmiittoq qaammammut ineqarnermut akiliuteqartarlutit inissiap piginnittuanit attartorsinnaasat. Pisortat inissiaataat attartortittakkat Namminersorlutik Oqartussanit imaluunniit kommuninit pigineqarput. Namminersorlutik Oqartussat inissiaataat tamarmik A/S Inissiaatileqatigiiffik INI-mit aqunneqarput. Kommunit inissiaataat attartortittakkat A/S Inissiaatileqatigiiffik INI-mit, ingerlatseqatigiiffimmit aqutsinermik ingerlatsisumit allamit, soorlu Iserit A/S-imit imaluunniit kommunimit namminermit aqunneqarput.


Attartortitsineq
Pisortat inissiaataanni attartortittakkami attartortuuguit, inissiaq attartukkat allanut attartorteqqissinnaavat. Tassalu inissiaq attartortittagaq qimaqqanerani inummut allamut attartortissinnaavat. Attartukkamik allamut attartortitsinermi piumasaqaataavoq peqannginnissat ataavartuussanngitsut aammalu assersuutigalugu peqqutaassasut:

  • Napparsimaneq
  • Ilinniagaqarneq
  • Pinerluuteqarsimasunut inissiisarfimmiitinneqarneq
  • Nuukkallarneq, soorlu illit sulinerit imaluunniit inoqutivit arlaata sulinera pissutigalugu


Piffissami aalajangersimasumi utaqqiisaagallartumik
Inissiaq najukkat taamaallaat piffissami aalajangersimasumi utaqqiisaagallartumik allamut attartortissinnaavat. Tassalu attartukkamik allamut attartortitsineq:

  • qaammatinit pingasunit sivikinnerussanngilaq
  • aamma ukiunit pingasunit sivisunerussanngilaq


Inissiaq najukkat allamut aatsaat attartortissinnaavat, ingerlatseqatigiiffik inissiamik attartukkannik aqutsisuusoq, soorlu A/S Inissiaatileqatigiiffik INI imaluunniit Iserit A/S attartukkamik allamut attartortitsinissamut illit attartortussanngortullu akunnissinni isumaqatigiissutissinnik akuersisimappat. Inissiaq attartukkat kommunimit aqunneqartuuppat, kommunip isumaqatigiissut akuerisussaavaa.


Malugiuk
Attartornissamut isumaqatigiissut malissimanngikkukku attartukkamik allamut attartortitsisinnaanngilatit.

Allaaserisat attuumassutillit

Ineqarneq pillugu maalaarnissamut ataatsimiititaliaq
Postboks 689
3900 Nuuk

Oqarasuaat: (+299) 32 80 33
Fax: (+299) 32 88 29
E-mail: maalaarut@nanoq.gl
Nittartagaq: www.aua.gl

Ammasarfiit
Ulluni suliffiusuni 09:00 – 15:00