INI-p inissiaataanik attartortittakkamik nutarterineq iluarsartuussinerlu – Nalinginnaasumik paasissutissiineq

INI-p inissiaataanik attartortittakkamik nutarterineq iluarsartuussinerlu – Nalinginnaasumik paasissutissiineq 

INI-p inissiaataa attartortittagaq tassaavoq pisortat inissiaataat attartortittagaq, Namminersorlutik Oqartussanit imaluunniit kommuninit pigineqartoq aammalu INI-mit aqunneqartoq. Tassa imaappoq INI-p inissiamut tunngasut nalinginnaasut amerlasuut isumagisarpai, taamaammat inissiarisat iluarsartuunneqartariaqarnersoq eqqumaffigiuk.

Illit nammineq isumaqaruit inissiat nutaamik igaffittaartariaqartoq imaluunniit natia taarsertariaqartoq, inissiaqarfittut immikkoortortaqarfinni nakkutilliisoq attaveqarfigissavat.

Matuma kingorna nakkutilliisup nalilissavaa inissiarisat iluarsartuunneqarnissamik pisariaqartitsinersoq. Nakkutilliisup pissutsit arlallit isiginiartussaavai, assersuutigalugu:
  • Inissiap pitsaassusia
  • Immikkoortortaqarfiup aningaasaqarniarnera
  • Illuutip teknikkikkut pitsaassusia
  • Illuutip pisoqaassusia
  • Kommunip najukkamut pilersaarutaa

Inissiarisat iluarsartuunneqassasoq imaluunniit nutarterneqassasoq nakkutilliisup nalilerpagu, taassuma attaveqarfigissavaatit. Marluullusi pisussaq iliuusissatut pilersaarusiorfigissavarsi. Ilaatigut nalilersussavarsi, inissiaq najugaqarfigiutigalugu iluarsartuunneqarsinnaanersoq – imaluunniit utaqqiisaasumik nuukkallassanersutit. Ajoraluartumik tamatigut utaqqiisaasumik inissiamik peqartoqarneq ajorpoq. Taamaammat inissiami najugaqarsinnaanersutit imaluunniit piffissami pineqartumi allatut najugaqarsinnaanersutit aalajangiisuulluinnarsinnaavoq.

Iliuusissatut pilersaarutip aamma periarfississavaatit, iluarsartuussinermut piffissaliussaq qanoq sivisutigissanersoq.


Malugiuk
Inissiarisavit iluarsartuunneqarnerata nalaani ineqarnermut akiliut akilertartussaavat – aamma naak inissiami najugaqanngikkaluaruilluunniit.

Allaaserisat attuumassutillit

INI A/S
E-mail: ini@ini.gl
Oqarasuaat: 70 10 00
Fax: 86 57 00

Ammasarfii:
Ataasinngornermiit tallimanngornermut 08.00 - 16.00
Inissialiornermut tapiissuteqartarneq 10.00 - 14.00

Toqqaannartumik sianerfissat:
Inissiat attartortittakkat: 70 10 00, 1 tooriarlugu 1 toorlugu
Inissialiornermut tapiissuteqartarneq aqqutigalugu illuutit (Boligstøttehuse): 70 10 00, 1 tooriarlugu 2 toorlugu
Saaffiginnittarfik: 70 10 00, 1 tooriarlugu 9 toorlugu

Nittartagaq: www.ini.gl