INI-mi attartortuuneq – Eqqaamiut naammagittaalliuuteqarnerat

INI-mi attartortuuneq – Eqqaamiut naammagittaalliuuteqarnerat 

INI-p inissiaataa attartortittagaq tassaavoq pisortat inissiaataat attartortittagaq, Namminersorlutik Oqartussanit imaluunniit kommuninit pigineqartoq aammalu INI-mit aqunneqartoq. Tassa imaappoq INI-p inissiamut tunngasut nalinginnaasut amerlasuut isumagisarpai, assersuutigalugu eqqaamiut naammagittaalliornerannik isumaginninneq. Eqqaamiorisat pillugit naammagittaalliornerit assigiinngitsorpassuarnut tunngasinnaapput, assersuutigalugu:
  • Nipiliorneq
  • Tukassaaneq
  • Imaluunniit INI-p ileqqorissaarnissamut maleruagassiaanik eqqaamiuusut eqquutsitsinnginneri

Naammagittaalliulersinnak eqqarsaatigisariaqarpat eqqaamiorisavit illit pillutit naammagittaalliuteqarsinnaanissaa illit piumanerunerit. Amerlanertigut eqqaamiut naammagittaalliornissaat pinngitsoorneqarsinnaavoq, eqqaamiorisat attaveqarfigisaraanni pisullu pillugit eqqissilluni oqaloqatigiittaraanni:
  • Assersuutigalugu arfininngornikkut unnukkut pulaartoqarniaruit, eqqaamiorisannut tamanna oqaluttuarigukku isumassarsiatsialaasinnaavoq. Nuannattoqarnissaa piareersimaffigineqassaaq, taamaalillunilu nipitulaartumik nipilersorneq akueriuminarnerusinnaavoq
  • Isumaqaruit assersuutigalugu eqqaamiuusup ernera inissiarisassinnut qanippallaami scooter-ertartoq, eqqissisimasumik aperikkit ungasinnerulaamut nuussinnaannginnersut, putsup motoorillu nipiliornerata illit ilaquttatit akornusersormagit

Eqqaamiorisavit oqaloqatiginerata kingorna pissutsit allanngunngippata, immersugassaq immersussavat:

Eqqaamiorisamik naammagittaalliuteqarneq

Immersugaq najukkanni INI-p allaffeqarfianut nassiulluguluunniit tunniutissavat. Matuma kingorna pissutsit pillugit INI misissuilluni aallartissaaq immaqalu eqqaamiuusut allat apersorlugit, illit misigisattut misigisaqarsimanersut. Matumalu kingorna illit eqqaamiunnut INI allaganngukkamik mianersoqqussummik nassiussissaaq.


Oqarasuaatikkut pigaartutut aaqqissuussineq
Eqqaamiorisannit assut nipiliornermit akornusersorneqaruit, INI-p oqarasuaatikkut pigaartutut aaqqissuussiffia aqqutigalugu erngersumik ikiortissarsiorsinnaavutit. Taamaattoq pigaartutut aaqqissuussineq taamaallaat ukunani atorneqarpoq:
  • Qaqortoq
  • Narsaq
  • Nuuk
  • Sisimiut
  • Aasiaat

Pigaartutut aaqqissuussineq atorumagukku, INI-p pingaarnertut oqarasuaataata normua 70 10 00 atorlugu sianissaatit Securitas-imullu nuunneqassaaq, taakku illit najugaqarfinnut pigaartumik ornigutsitsissapput. Pigaartuusoq takkutissaaq nipiliornerlu nalunaarsorlugu piffissarlu allanneqassaaq. Paasissutissat INI-mut nassiunneqassapput, matumalu kingorna najugaqartoq nipiliortoq saaffigineqassalluni. Qaammatit arfinillit kingulliit ingerlanneranni saaffiginnissutit taama ittut pingasut tiguneqarsimappata, attartorneq taamaatinneqarsinnaavoq.

Allaaserisat attuumassutillit

INI A/S
E-mail: ini@ini.gl
Oqarasuaat: 70 10 00
Fax: 86 57 00

Ammasarfii:
Ataasinngornermiit tallimanngornermut 08.00 - 16.00
Inissialiornermut tapiissuteqartarneq 10.00 - 14.00

Toqqaannartumik sianerfissat:
Inissiat attartortittakkat: 70 10 00, 1 tooriarlugu 1 toorlugu
Inissialiornermut tapiissuteqartarneq aqqutigalugu illuutit (Boligstøttehuse): 70 10 00, 1 tooriarlugu 2 toorlugu
Saaffiginnittarfik: 70 10 00, 1 tooriarlugu 9 toorlugu

Nittartagaq: www.ini.gl