INI-p inissiaataanut attartortittakkanut ineqarnermut akiliut – Akiliuteqannginneq

INI-p inissiaataanut attartortittakkanut ineqarnermut akiliut – Akiliuteqannginneq 

INI-p inissiaataa attartortittagaq tassaavoq pisortat inissiaataat attartortittagaq, Namminersorlutik Oqartussanit imaluunniit kommuninit pigineqartoq aammalu INI-mit aqunneqartoq. Tassa imaappoq INI-p inissiamut tunngasut nalinginnaasut amerlasuut isumagisarpai, assersuutigalugu Namminersorlutik Oqartussat kommunillu sinnerlugit ineqarnermut akiliutissat akilerneqarnissaannik piumasaqarneq.

Piffissaq eqqorlugu ineqarninnut akiliutissaq akilersimanngikkukku INI-mit nukingisaarummik allagarsissaatit. Nukingisaarut katillugu pingasoriarlutit pissarsiarisinnaavat, inissiamit anisinneqarnissat suli nalliutinngitsoq.


Nukingisaarut siulleq
Piffissaq eqqorlugu ineqarnermut akiliut akilersimanngikkukku, qaammatip 20-anni nukingisaarut siulleq pissarsiarissavat. Nukingisaarummut akitsuut 150 kr.-iuvoq illillu ineqarnermut akiliutinnut ilanngullugu akilersinniarneqassalluni. Assersuutigalugu januar-ip 20-anni nukingisaarummik tigusaqarsimaguit, nukingisaarummut akitsuut marts-imi ineqarnermut akiliutissamut ilanngullugu akilersinniarneqassaaq.


Nukingisaarut tulleq
Ineqarnermut akiliut akilersimanngikkukku, nukingisaarutip siulliup tigunerata kingorna sapaatit akunneri pingasut missaasa qaangiunneranni nukingisaarutip tullia tigussavat, tassani allanneqarsimassaaq ”Attartornermik atorunnaarsitsineq”. Ineqarnermut akiliut akilerukku inissiamilu najugaqaannarumallutit, atorunnaarsitsinermik taamaatitsiinnarneq 150 kr.-inik akeqarpoq. Ineqarnermut akiliutissavit tullianut ilanngullugu akitsuut akilersinniarneqassaaq.

Ineqarnermut akiligassat nukingisaarutip tulliata tigunerata kingorna ullut arfineq-pingasut qaangiutsinnagit akilersimanngikkukku, taava illit:
  • Inissiamit pequtitit pigisatillu annisissavatit
  • Inissiamit anillutit nuussaatit
  • INI-mut matuersaatit tunniutissavatit

Nukingisaarut pingajuusoq
Suli akiligassat akilersimanngikkukku inissiamilluunniit anillutit nuussimanak, INI-p politiinut allakkat nassiutissavai. Tamatuma kingunerisaanik politiit aggissapput inissiamiillu anisillutit. Anisitaanermut aningaasartuutit nammineerlutit akilissavatit.

Inissiamit anisitaaguit inissiami inissiigallartarfimmiinnissannik neqeroorfigineqassaatit, taanna siusinnerusukkut attartortuusimasunik allanik ilaqarlutit najugaqarfigissavat.


Malugiuk
Inissiaq iserterluni nuunnermisut pitsaassuseqanngippat, akilissavatit assersuutigalugu:
  • Eqqiaaneq
  • Nalinginnaasumik iluarsartuussineq
  • Ajoqusernerit iluarsaanneri

Qanorluunniit pisoqaraluarpat nukingisaarutip tulliup tiguneraniit anillutit nuunnissat toqqarsimalluguluunniit inissiamit anisitaasimagaluaruit akiliisussaavutit.

Kingusinaartumik akiliisarnissaq pinngitsoorumallugu, akilersuussinermut (betalingsservice) ilanngunneqarnissat nalunaarutigisinnaavat.

Allaaserisat attuumassutillit

INI A/S
E-mail: ini@ini.gl
Oqarasuaat: 70 10 00
Fax: 86 57 00

Ammasarfii:
Ataasinngornermiit tallimanngornermut 08.00 - 16.00
Inissialiornermut tapiissuteqartarneq 10.00 - 14.00

Toqqaannartumik sianerfissat:
Inissiat attartortittakkat: 70 10 00, 1 tooriarlugu 1 toorlugu
Inissialiornermut tapiissuteqartarneq aqqutigalugu illuutit (Boligstøttehuse): 70 10 00, 1 tooriarlugu 2 toorlugu
Saaffiginnittarfik: 70 10 00, 1 tooriarlugu 9 toorlugu

Nittartagaq: www.ini.gl