INI-p aqutaralugit inissianit attartortikkanit anilluni nuunneq – Misissuinermit nalunaarut

INI-p aqutaralugit inissianit attartortikkanit anilluni nuunneq – Misissuinermit nalunaarut 

INI-p inissiaataa attartortittagaq pisortat inissiaatigaat attartortittagaq, taanna Namminersorlutik Oqartussanit imaluunniit kommunimit pigineqartarpoq INI-miillu aqunneqartarluni. Tassa imaappoq inimut tunngasut amerlasoorpassuit INI-p isumagisarpai, assersuutigalugu inissiarisannit attartortittakkamit anillutit nuukkuit misissuinermit nalunaarummik suliaqarneq.

Anillutit nuukkuit inissiarisat iserterlutit nuunnittut isikkoqartillugu qimassavat. Inissiaq qanoq iluarsartuunneqassanersoq paasiumallugu, INI-miit nakkutilliisumit misissorneqassaaq. Illit najukkanni inip allaffeqarfianut isumaqatigiissutigissavat misissuineq qanoq ilinerani pissanersoq.

Anilluni nuunnermi misissuinermi inissiaq ilinnit nakkutilliisumiillu misissorneqassaaq. Misissuilluni nalunaarummi inissiami amigaataasinnaasut nakkutilliisumit allattorneqassapput. Nalinginnaasumik iluarsartuussineq, paarsinerlunneq aamma aserorterineq pillugit nalunaarutit imaqassapput.

Anilluni nuunnermi nalunaarut iserterluni nalunaarummut nakkutilliisup sanilliutissavaa, taamaalilluni inissiaq ilumut iluarsartuunneqassanersoq qanorlu iluarsartuunneqassanersoq nalilersorsinnaassallugu. Taakku tassaasinnaapput:
  • Iikkat qilaallu qalipanneqassasut
  • Nateq lak-erneqassasoq
  • Matuni iikkanilu ajoqusernerit iluarsineqassanersut
  • Inissiaq sukumiinerusumik eqqiarneqassanersoq

Misissuilluni nalunaarummut illit nakkutilliisorlu atsiortussaavusi. Tassa imaappoq illit atsiussaatit:
  • Misissuinermi peqataasimallutit
  • Iluarsartuutassat sorliit akilissanerlugit paasisimagit
  • Inissiaq ulloq misissuiffiusoq eqqorlugu aniffigisimagit. Taamaammat misissuilluni nalunaarut aamma uppernarsaatissaraat anillutit nuunnerit piffissaq eqqorlugu pisimasoq, taamaammallu inissiap attartorneranut akiliutissamik akiliuteqarnissat pisinnaajunnaartoq

Misissuinermi nalunaarummi allanneqareersimanngippat aamma allassavat:
  • Najukkavit nutaap sumiinnera, taamaalilluni sulianik suliarinnittartup anilluni nuunnermi inaarutaasumik naatsorsuutit najukkamut eqqortumut nassiussinnaaniassammagit
  • Illit konto-vit normua, taamaasilluni iluarsartuussinerup kingorna aningaasat pissatit illit qularnaveeqqutinnit sinneruttut illit konto-nnut INI-p ikisinnaaniassammagit

Nakkutilliisup apereqattaarsinnaavaatit illit:
  • Innaallagissamik, imermik aamma kiassarnermik atuiunnaarnerit nalunaarutigisimanerit, tamanna illit akisussaaffigigakku
  • Kissarsuut uuliatortoq orsersimanerit, inissiarisat uuliatortumik kissarsuuteqarsimappat
  • Imiisivik imermik immersimanerit, inissiarisat imiisiveqarsimappat

Malugiuk
Piffissami kingusinnerusukkut misissuilluni nalunaarutip allanngortinnissaanut periarfissaqanngilaq. Taamaammat illit inissiarisavit misissorneqarnerani peqataasinnaanngikkuit, illit sinnerlutit ikinngutit imaluunniit alla tatigisat peqataasinnaanersoq aperissallugu isumassarsiatsialaassaaq. Misissuinermut takkutinngikkuit imaluunniit illit sinnerlutit inummik allamik peqataatitaqanngikkuit, nakkutiliisoq peqatigalugu illit sinnerlutit peqataasussamik inummik allarluinnarmik nakkutilliisoq misissuinermut qaaqqusissaaq. Tamanna isumaqarpoq illit peqataanngitsutit misissuinermi nalunaarusiaq suliarineqartoq.

Allaaserisat attuumassutillit

INI A/S
E-mail: ini@ini.gl
Oqarasuaat: 70 10 00
Fax: 86 57 00

Ammasarfii:
Ataasinngornermiit tallimanngornermut 08.00 - 16.00
Inissialiornermut tapiissuteqartarneq 10.00 - 14.00

Toqqaannartumik sianerfissat:
Inissiat attartortittakkat: 70 10 00, 1 tooriarlugu 1 toorlugu
Inissialiornermut tapiissuteqartarneq aqqutigalugu illuutit (Boligstøttehuse): 70 10 00, 1 tooriarlugu 2 toorlugu
Saaffiginnittarfik: 70 10 00, 1 tooriarlugu 9 toorlugu

Nittartagaq: www.ini.gl