Inissiami najukkanni iluarsaassineq, pitsanngorsaaneq alliliinerlu – Nalinginnaasumik paasissutissiineq

Inissiami najukkanni iluarsaassineq, pitsanngorsaaneq alliliinerlu – Nalinginnaasumik paasissutissiineq 

Inissiami najukkanni iluarsaassineq, pitsanngorsaaneq alliliinerlu akisusinnaavoq. Taamaattumik inissiami najukkanni iluarsaassinissamut, pitsanngorsaanissamut alliliinissamulluunniit taarsigassarsinissamut Naalakkersuisunut qinnuteqarsinnaavutit. Sanaartornermut aningaasartuutit tamarmiusut 40 %-ii tikillugit Naalakkersuisunit taarsigassarsitinneqarsinnaavutit. Sinneruttut 60 %-it aningaasalersornissaat illit nammineerlutit isumagissavat.

Taarsigassarsisinnaassaguit piumasaqaatinik naammassinnissimassaatit. Inissiami najukkanni iluarsaassissanersutit, pitsanngorsaassanersutit alliliissanersutillu apeqqutaallutik piumasaqaatit allanngorarput.


Iluarsaassineq pitsanngorsaanerlu
Iluarsaassassat pitsanngorsagassallu tassaasinnaapput illup silataata qalliutai, igalaat matullu silarliit, qaliaq, innaallagissamik pilersuinermut atortut, kuuffeqarfik, isaarissat naqitsinerlu atorlugu imeqarneq. Iluarsagassanut pitsanngorsagassanullu taarsigassarsisinnaavutit:

  • inissiaq nammineerlutit pigigukku
  • inissiaq piffissap qinnuteqarfiusup nalaani ukiut 20-it sinnerlugit pisoqaassuseqarpat
  • aamma inissiaq 95 kvadratmeter-init annerunngippat


Alliliineq
Inissiami najukkanni alliliiguit, inissiap najukkavit annertussusia allisussaavat. Assersuutigalugu init ataatsimik ilasinnaavatit imaluunniit ini allisinnaallugu. Alliliinissamut taarsigassarsisinnaavutit:

  • inissiaq nammineerlutit pigigukku
  • inissiaq piffissap qinnuteqarfiusup nalaani ukiut 20-it sinnerlugit pisoqaassuseqarpat
  • inissiaq najukkat alliliinissaq sioqqullugu 95 kvadratmeter-init annerunngippat
  • inissiaq najukkat alliliinerup kingorna 110 kvadratmeter-init annerulissanngippat


Malugiuk
Inissiamut najukkannut ataasiinnarmik, aammalu annerpaamik 283.500 koruuninik taarsigassarsisinnaagavit.

Naalakkersuisuni aningaasaliissutini aningaasat naammanngippata, taarsigassarsitinneqarnissat qulakkeerneqarsinnaanngilaq.

Allaaserisat attuumassutillit

Qaasuitsup Kommunia
Postbox 1023
3952 Ilulissat

Oqarasuaat: (+299) 94 78 00
Fax: (+299) 94 25 52
E-mail: qaasuitsup@qaasuitsup.gl
Nittartagaq: http://www.qaasuitsup.gl

Aningaasaqarnermut Sulisoqarnermullu Aqutsisoqarfik (ASA)
Aqqusinersuaq 5
Postboks 1039
3900 Nuuk

Oqarasuaat: (+299) 34 50 00
Fax: (+299) 32 44 48
E-mail: asa@nanoq.gl