Inissianut aningaasalersuisarneq – Nalinginnaasumik paasissutissiineq

Inissianut aningaasalersuisarneq – Nalinginnaasumik paasissutissiineq 

Inissiamik nutaamik, soorlu illumik imaluunniit illuummik annerusumik sanassaguit inissianut aningaasaliissutissanut taarsigassarsinissamik qinnuteqarsinnaavutit. Inissianut aningaasalersuinermut taarsigassarsiat tassaapput taarsigassarsiat, Naalakkersuisunit aamma kommunimi najugarisanni kommunalbestyrelse-mit taarsigassarsiaritinneqartartut. Naalakkersuisut aamma kommunalbestyrelse tamarmik immikkut inissiap sananeqarnerani aningaasartuutit tamarmiusut 20%-iinik taarsigassarsitissinnaavaatsit. 60 %-it sinneruttut aningaasalersorneqarnissaat illit nammineq isumagissavat. Taamaattumik inissianut aningaasalersuinissamut taarsigassarsiat aamma 20-20-60-inik taaneqartarput.

Inissianut aningaasalersuinissamut taarsigassarsiat ukiuni 20-ni siullerni erniaqartinneqanngillat akilersugassaanatillu. Tamatuma kingorna taarsigassarsiat ukiuni 15-ini tulliuttuni akilersorneqartussaapput.


Taarsigassarsiat annertussusissaat
Taarsigassarsiassat annertussusissaat inissiap sananeqarneranut aningaasartuutit angissusialu malillugit aalajangerneqassapput: 

  • 65 kvadratmeter-inut siullernut taarsigassarsiat annerpaamik sanaartornermut aningaasartuutinit tamarmiusunit kvadratmeter-imut 15.500 koruuniussapput, kvadratmeter-imut akiusoq annertunerugaluarpalluunniit
  • 66 kvadratmeter-imiit 110 kvadratmeter-imut sanaartornermut aningaasartuutinit tamakkiisunit annerpaamik kvadratmeter-imut 10.250 koruunit taarsigassarsiaritinneqassapput, tamatumani kvadratmeter-imut akiusoq annertunerugaluarpalluunniit
  • 110 kvadratmeter-it siulliit saniatigut taarsigassarsititsisoqarsinnaanngilaq. Tassalu 110 kvadratmeter-it sinnerlugit sanassaguit, kvadratmeter-it ilassutaasut sananeqarnerinut aningaasartuutissat tamaasa nammineerlutit akilissavatit


Malugiuk
Inissianut aningaasalersuutissanik pissarsissaguit,

  • sanaartugassat aallartissimassanngilatit
  • imaluunniit sanaartugassalerisumut atuuttussamik isumaqatigiissuteqarsimassanngilatit

Naalakkersuisuni aningaasaliissutini aningaasat naammanngippata, taarsigassarsitinneqarnissat qulakkeerneqarsinnaanngilaq.

Allaaserisat attuumassutillit

Qaasuitsup Kommunia
Postbox 1023
3952 Ilulissat

Oqarasuaat: (+299) 94 78 00
Fax: (+299) 94 25 52
E-mail: qaasuitsup@qaasuitsup.gl
Nittartagaq: http://www.qaasuitsup.gl

Aningaasaqarnermut Sulisoqarnermullu Aqutsisoqarfik (ASA)
Aqqusinersuaq 5
Postboks 1039
3900 Nuuk

Oqarasuaat: (+299) 34 50 00
Fax: (+299) 32 44 48
E-mail: asa@nanoq.gl