Ininik attartortitsineq imaluunniit allamut attartortitsineq

Ininik attartortitsineq imaluunniit allamut attartortitsineq 

Piginneqatigiilluni inissiaq inissiaavoq piginneqatigiilluni inissiaatillit peqatigiiffiannit pigineqartoq, aammalu peqatigiiffimmi ilaasortaasut atuisinnaatitaaffigisaat. Tassalu piginneqatigiilluni inissiaatillit peqatigiiffiannut ilaasortat inissiat najukkatik namminneerlutik pigisarinngilaat. Kisiannili tamarmik immikkut peqatigiiffiup pigisaanut piginneqataapput. Taamaattumik piginneqatigiilluni inissiaatillit peqatigiiffianni ilaasortat piginneqataasunik taaneqartarput. Piginneqatigiilluni inissiaatillit peqatigiiffiat ataatsimik amerlanerusunilluunniit illuuteqarsinnaavoq, kisiannili illit piginneqataasutut inissiamik aalajangersimasumik ataasiinnarmik atuisinnaatitaavutit.


Inimik attartortitsineq
Piginneqataasutut piginneqatigiilluni inissiami inimik attartortitsisinnaavutit. Inimik attartortitserusukkuit maleruagassat uku eqqumaffigissavatit:

  • Init annerpaamik ataasiakkaarlugit attartortissinnaavatit
  • Inummut namminersorsinnaatitaasumut allamut taamaallaat attartortitsisinnaavutit
  • Inimik attartortitsineq sivikinnerpaamik qaammatinik pingasunik sivisussuseqassaaq
  • Attartortitsinermi akiusoq attartortitsinermullu isumaqatigiissummi piumasaqaatit siulersuisunit akuerineqassapput


Inimik attartortitsinissaq pillugu piginneqatigiilluni inissiaatillit peqatigiiffianni siulersuisut akuersissuteqaqqullugit qinnuigissavatit.


Inissiamik allamut attartortitsineq
Piginneqataasutut aamma piginneqatigiilluni inissiaq najukkat inummut allamut attartortissinnaavat. Tassalu inuup allap piffissami peqanngiffigisanni piginneqatigiilluni inissiaq najukkat tamakkerlugu attartorsinnaavaa. Inummut allamut attartortitsinermi peqanngikkallarnissat piumasarineqarpoq, tassungalu peqqutaasinnaavoq:

  • Napparsimaneq
  • Ilinniagaqarneq
  • Pinerluuteqarsimasunut inissiisarfimmiitinneqarneq
  • Nuukkallarneq, soorlu illit sulinerit imaluunniit inoqutivit arlaata sulinera pissutigalugu


Piginneqatigiilluni inissiaq najukkat inummut allamut attartortissagukku maleruagassat uku eqqumaffigissavatit:

  • Piffissaq inummut allamut attartortitsiviusoq qaammatinit pingasunit sivikinnerussanngilaq
  • Piffissaq inummut allamut attartortitsiviusoq ukiunit pingasunit sivisunerussanngilaq
  • Taamaallaat inunnut namminersorsinnaatitaasunut attartortitsisinnaavutit

Piginneqatigiilluni inissiamik najukkannik inummut allamut attartortitsinissaq pillugu piginneqatigiilluni inissiaatillit peqatigiiffianni siulersuisut akuersissuteqaqqullugit qinnuigissavatit.

Allaaserisat attuumassutillit

Qaasuitsup Kommunia
Postbox 1023
3952 Ilulissat

Oqarasuaat: (+299) 94 78 00
Fax: (+299) 94 25 52
E-mail: qaasuitsup@qaasuitsup.gl
Nittartagaq: http://www.qaasuitsup.gl