Sulinermut atatillugu angalaneq – Ullormusiat

Sulinermut atatillugu angalaneq – Ullormusiat 

Kalaallit Nunaanni suliffeqarfeqarfiit pisortanit namminersortunillu ingerlanneqarput. Namminersortut pisortallu suliffeqarfiutaanni sulinermut atatillugu pissutsit inatsisit aqqutigalugit naleqqussagaapput. Tamatuma saniatigut pisortani atorfeqartunut atorfinitsinneqarnermi atugassarititaasut isumaqatigiissummi sulisut ataasiakkaat atorfinitsinneqarneranni malinneqartuni aamma maleruagassiorneqarput. Matuma kinguliani allassimasut pisortani atorfeqartunut taamaallaat atuupput.

Sulinermut atatillugu angalatillutit aammalu najukkat akunnerit 5-t sinnerlugit qimassimagukku ullormusiaqarsinnaatitaavutit. Angerlarsimaffiup qimassimaneranut atatillugu nerisaqarnermut imigassaqarnermullu immikkut aningaasartuutit ullormusianit matussuserneqassapput.

Ullormusiat aningaasarsianut ilanngullugit tunniunneqartarnerat nalinginnaasuuvoq, illilli suliffiit allamik periuseqarsinnaavoq.


Ullormusiat annertussusissaat
Qanoq annertutigisumik ullormusiaqartinneqarnissannut makku apeqqutaapput:
  • Qanoq sivisutigisumik aallaqqassavit? Ullup unnuallu affaanut aallartinneqartunut tamanut ullormusiaqartinneqassaatit
  • Sulisitsisut nerisassanut qanoq annertutigisumik akiliisimanersoq. Sulisitsisuit nerisat ilaat akilersimappagit tamanna ullormusiannit ilanngaatigineqassaaq
  • Qanoq inissinneqarnersutit. Sulinermut atatillugu angalanerpit nalaani akunnittarfimmi inissiiffimmiluunniit allami ineqarninnut suliffeqarfiit akiliisimanngippat unnuakkut tapisianik tunineqarsinnaavutit. Tapit taakku aamma tunniunneqassapput assersuutigalugu ilaquttanni unnuiguit

Assersuutigalugu ulloq 3. marts nal. 10.00 aallaruit aammalu ulloq 5. marts nal. 12.00 uterlutit ullunut unnuanullu affanut tallimanut ullormusiaqartinneqassaatit. Akunnittarfimmi ullaakkorsiorneq akimut ilaareersoq unnuiguit ullaakkorsiorneq ullormusiannit ilanngaatigineqassaaq.

Ullut unnuallu 29-it sinnerlugit sulinermut atatillugu angalaguit ullut unnuallut 29-ssaanni ullormusiatit pingajorarterummik ikilineqassapput. Igaffimmi atortussanik atuisinnaasoqarpat piffissaq ullunut 15-inut sivikillineqassaaq, tamatuma kingorna ullormusiat pingajorarterummik ikilineqassapput.


Kinguaattoorneq
Sulinermut atatillugu angalanerit sivitsorneqarpat ulluni angalanerup sivitsorfiini ullormusiaqarsinnaatitaavutit. Kinguaattoornerit nammineq pisuussutiginngikkukku aatsaat immikkut ullormusiaqarsinnaatitaavutit. Tamatumunnga ilaatigut pissutaasinnaavoq timmisartoq ilaaffigisassat kinguaattoorpat uniinnarpalluunniit.


Malugiuk
Ullormusiat akileraarutaasussaanngillat.

Ullormusiat annertussusissaat ukiut tamaasa 1. april aamma 1. oktober iluarsiivigineqartarput.

Ullormusiat annertussusaat 1. april 2015-imeersut uani takusinnaavatit.

Ullormusiat annertussusaat 1. oktober 2015-imeersut uani takusinnaavatit.

Allaaserisat attuumassutillit

Qaasuitsup Kommunia
Postbox 1023
3952 Ilulissat

Oqarasuaat: (+299) 94 78 00
Fax: (+299) 94 25 52
E-mail: qaasuitsup@qaasuitsup.gl
Nittartagaq: http://www.qaasuitsup.gl

Aningaasaqarnermut Sulisoqarnermullu Aqutsisoqarfik (ASA)
Aqqusinersuaq 5
Postboks 1039
3900 Nuuk

Oqarasuaat: (+299) 34 50 00
Fax: (+299) 32 44 48
E-mail: asa@nanoq.gl