Aningaasarsiat tapisiallu – Tunniunneqartarnerat

Aningaasarsiat tapisiallu – Tunniunneqartarnerat 

Pisortani atorfeqaruit qaammammut ataasiarlutit imaluunniit ullut 14-inngorneri tamaasa ataasiarlutit aningaasarsiaqassaatit. Aningaasarsiavit qanoq innikkut tunniunneqartarnissaannut apeqqutaavoq

  • Qaammammusiaqarnersutit imaluunniit akunnermusiaqarnersutit
  • aammalu siumoortumik imaluunniit kingumoortumik aningaasarsiaqarnersutit


Qaammammusiaqarneq kingumoortumillu aningaasarsiaqarneq
Qaammammusiaqaruit kingumoortumillu aningaasarsiaqaruit aningaasarsiassatit qaammammi ullormi suliffimmi kingullermi ilinnut tunniunneqartassapput. Tassa imaappoq assersuutigalugu oktober-imut aningaasarsiassatit oktober-imi ullormi suliffimmi kingullermi ilinnut tunniunneqassasut.


Akunnermusiaqarneq kingumoortumillu aningaasarsiaqarneq
Akunnermusiaqaruit kingumoortumillu ullut 14-inngorneri tamaasa aningaasarsiaqassaatit. Ullut 14-it sulereernerpit kingunitsianngua sapaatip akunnerani aningaasarsissaatit. Tamanna isumaqarpoq assersuutigalugu sapaatit akunnerini 3 aamma 4-mi sulininnut sapaatip akunnerani 5-imi aningaasarsissasutit.


Qaammammusiaqarneq siumoortumillu aningaasarsiaqarneq
Qaammammusiaqaruit siumoortumillu aningaasarsiaqarlutit qaammatip siuliani ullormi suliffiusumi kingullermi aningaasarsiatit tunniunneqassapput. Tassa imaappoq assersuutigalugu april-ip qaammataani aningaasarsiassatit marts-imi ullormi suliffiusumi kingullermi tigussagitit. Siumoortumik aningaasarsiallit tassaanerupput tjenestemand-it.


Tapisiat
Aalajangersimasumik tapisiat qaammammi tassani aningaasarsianut ilanngullugit tunniunneqartarput. Tapisiat nikerartut siumoortumik tunniunneqarsinnaapput. Tamanna isumaqarpoq tapisiat piffissamut aningaasarsiffiusussamut tapisiat katersorneqartut kingullermik nalunaarutigineqartut aatsaat piffissami aningaasarsiffissami tulliuttumi aatsaat tunniunneqarsinnaasut.


Aningaasarsiat allagartaat
Aningaasarsisoqarneranut atatillugu aningaasarsiat allagartaannik tunineqassaatit, tassani allassimassalluni aningaasarsiatit qanoq amerlatiginersut aammalu qanoq katitigaanersut. Aningaasarsiat imaattarnerat nalinginnaasuuvoq:

  • Tunngaviusumik aningaasarsiat
  • Tapisiaasinnaasut
  • Pensionisianut tapiissutit
  • Peqatigiiffimmut sulisulluunniit peqatigiiffiinut ilaasortatut akiliutaasinnaasut


Qanoq annertutigisumik akileraarnersutit aammalu ukiup ingerlanerani sulinngiffeqarnermi aningaasarsiat (feriepenge) qanoq amerlatigisut katersorsimaneritit aningaasarsiat allagartaanni aamma allassimasarput.


Aningaasarsiat eqqortut
Aningaasarsiassavit eqqortumik tunniunneqarnissaat pillugu suliffeqarfiit paasissutissat makku pigissavai:

  • Atit
  • Inuttut normut
  • Aningaaserivimmi konto-t
  • Akileraartarnermi allagartat (skattekort)


Aningaasarsiavit allagartaata misissornissaa pingaaruteqarpoq. Aningaasarsiavit allagartaa kukkuneqarsorigukku imaluunniit aningaasarsiavit allagartaat pillugu apeqqutissaqaruit aqutsisunnut qaninnerpaamut imaluunniit aningaasarsialerivimmut saaffiginnittariaqarputit. Taamaaliussaatit aningaasarsiatit ikippallaartut imaluunniit amerlavallaartut nalornissutigigukku.

Aningaasarsiatit ikippallaarpata aningaasarsiassavit sinneruttut kingusinnerusukkut tunniunneqarnissaannut pisinnaatitaavutit. Aamma taamaappoq amerlavallaartunik aningaasarsiaqarsimaguit sulisitsisut taakku utertinnissaannut piumasaqaateqarsinnaatitaavoq.


Malugiuk
Danmark-imiit Kalaallit Nunaannut nuussimaguit aammalu Kalaallit Nunaannut tamakkiisumik akileraartussaatitaallutit Danmark-imut akileraartussaatitaassanngilatit. Tamanna allaaserisani attuumassuteqartuni annertunerusumik paasisaqarfigisinnaavat.

Allaaserisat attuumassutillit

Qaasuitsup Kommunia
Postbox 1023
3952 Ilulissat

Oqarasuaat: (+299) 94 78 00
Fax: (+299) 94 25 52
E-mail: qaasuitsup@qaasuitsup.gl
Nittartagaq: http://www.qaasuitsup.gl

Aningaasaqarnermut Sulisoqarnermullu Aqutsisoqarfik (ASA)
Aqqusinersuaq 5
Postboks 1039
3900 Nuuk

Oqarasuaat: (+299) 34 50 00
Fax: (+299) 32 44 48
E-mail: asa@nanoq.gl