Aningaasarsiat tapisiallu – Nalinginnaasumik paasissutissiineq

Aningaasarsiat tapisiallu – Nalinginnaasumik paasissutissiineq 

Kalaallit Nunaanni suliffeqarfeqarfiit pisortanit namminersortunillu ingerlanneqarput.
Namminersortut pisortallu suliffeqarfiutaanni sulinermut atatillugu pissutsit inatsisit aqqutigalugit naleqqussagaapput. Tamatuma saniatigut pisortani atorfeqartunut atorfinitsinneqarnermi atugassarititaasut isumaqatigiissummi sulisut ataasiakkaat atorfinitsinneqarneranni malinneqartuni aamma maleruagassiorneqarput, ilaatigullu namminersortuni atuuttumik. Matuma kinguliani allassimasut pisortat suliassaqarfiannut taamaallaat tunngatinneqarput.

Pisortani atorfeqaruit aningaasarsiassatit isumaqatigiissut suliffinnut atuuttoq malillugu aalajangersarneqassapput. Isumaqatigiissut taamalu aningaasarsiatit Namminersorlutik Oqartussat peqatigiiffivillu akornanni isumaqatigiissutigineqarput. Isumaqatigiissut sorleq malillugu aningaasarsiaqarnissannut makku apeqqutaapput:

  • Atorfinni inissisimanerit
  • Ilinniakkat
  • Qaammammusiaqarnersutit akunnermusiaqarnersutilluunniit


Isumaqatigiissut sorleq malillugu aningaasarsiaqarnersutit apeqqutaatinnagu aningaasarsiatit imaassapput:

  • Tunngaviusumik aningaasarsiat
  • Tapisiaasinnaasut
  • Soraarnerussutisiat


Tunngaviusumik aningaasarsiat
Tunngaviusumik aningaasarsiatit makku malillugit aalajangersarneqarput:

  • Suliatit
  • Ilinniakkat
  • Ukiut qassit sulisimanerit


Ilinniarnerpit naammassinerata kingorna inuussutissarsiornermik misilittakkat imaluunniit suliap assingani inuussutissarsiornermik misilittakkat malillugit ukiut qassit sulisimaneq malillugu aningaasarsiatit annertussusilerneqassapput. Assersuutigalugu suliffimmi ataatsimi ukiuni tallimani sulisimaguit ukiut qassit sulisimaneq malillugu aningaasarsiatit ukiut tallimat sulisimanerit malillugu annertussusilerneqassapput – aamma ukiut tallimat ingerlaneranni suliffimmut nuussimagaluaruilluunniit.


Tapisiat
Aningaasarsiatit tapisianik ilaqarsinnaapput, taakku tassaasinnaallutik:

  • Oqaluttaanermut tapisiat
  • Suliamut tapisiat
  • Suliartoqquneqaratarsinnaanermut tapisiat
  • Piginnaasat malillugit tapisiat
  • Tapisiat agguaanneqartussat


Qanoq tapisiaqarnissat tapisiallu annertussusissaat isumaqatigiissutinni aalajangersarneqarpoq:

  • Tapit ilaat suliamut tapisiaapput. Tamanna isumaqarpoq atorfimmut aalajangersimasumut attuumassuteqartut
  • Tapisiat allat isumaqatigiissuteqartut akornanni isumaqatiginninniutigineqarsinnaapput. Tamanna suliffimmi qitiusumik najukkamiluunniit pisinnaavoq. Isumaqatiginninniarnermi periuseq isumaqatigiissummi atorfimmut atuuttumi erseqqinnerusumik nassuiaatigineqarpoq


Soraarnerussutisiat
Tunngaviusumik aningaasarsiatit soraarnerussutisiassartaqarput aammalu tapisiatit taama inissisimasinnaallutik. Tamanna isumaqarpoq illit sulisitsisuillu soraarnerussutisiassanut akiliutigisartagaat tunngaviusumik aningaasarsiatit immaqalu tapisiat soraarnerussutisiassaqartut aallaavigalugit naatsorsorneqassasut.

Soraarnerussutisiassat aningaasarsiat ilaata procent-ianik naatsorsorneqartarput aammalu suliassaqarfinnut isumaqatigiissummi takusinnaavatit procent-it suliassaqarfinnut atuuttut.


Malugiuk
Aningaasarsiat tapisiallu pillugit annertunerusumik paasisaqarusukkuit suliassaqarfimmut soqutigisannut peqatigiiffimmut saaffiginnissinnaavutit imaluunniit suliassaqarfimmi isumaqatigiissut atuarsinnaallugu. Isumaqatigiissut suliffinni pissarsiarisinnaavat imaluunniit KANUKOKA-p nittartagaani nassaarisinnaallugu.

Allaaserisat attuumassutillit

Qaasuitsup Kommunia
Postbox 1023
3952 Ilulissat

Oqarasuaat: (+299) 94 78 00
Fax: (+299) 94 25 52
E-mail: qaasuitsup@qaasuitsup.gl
Nittartagaq: http://www.qaasuitsup.gl

Aningaasaqarnermut Sulisoqarnermullu Aqutsisoqarfik (ASA)
Aqqusinersuaq 5
Postboks 1039
3900 Nuuk

Oqarasuaat: (+299) 34 50 00
Fax: (+299) 32 44 48
E-mail: asa@nanoq.gl