Toqqakkatut inuiaqatigiinnit suliassaqartitaaneq

Nalinginnaasumik paasissutissiineq 

Toqqakkatut inuiaqatigiinni suliassaqartitaaneq suliassaavoq immikkut ittoq, illit innuttaasutut isumagissallugu pisussaaffigisat. Toqqakkatut inuiaqatigiinni suliassaqartitaaneq suliffiunngilaq, suliassaavorli illit isumagissallugu qinigaaffigisimasat imaluunniit toqqarneqarfigisimasat.

Toqqakkatut inuiaqatigiinni suliassaqartitaasoq assersuutigalugu tassaasinnaavoq:
• Inatsisartunut ilaasortaq
• Kommunalbestyrelsimut ilaasortaq
• Nunaqarfimmi aqutsisunut ilaasortaq
• Kredsdommeri, lægdommeri imaluunniit eqqartuussisooqataasoq
• Unnerluutigineqartumut illersuisoq
• Suliassat allat, inatsisit malillugit illit isumagissallugit pisussaaffigisatit

Sulinngiffeqarneq aamma inuiaqatigiinnik sullissinermi akissarsiaqarsinnaaneq 

Toqqakkatut inuiaqatigiinnik sullissininni suliffinniit sulinngiffeqarsinnaatitaavutit, sulinngiffeqarnissarli illit sulisitsisullu akornissinni aaqqinneqassaaq.

Sulinngiffeqarlutit toqqakkatut inuiaqatigiinnik sullissinerit pingaarnertut pissaaq, sulisitsisut peqatigalugu suliffinni sulinermi tiimit atukkatit nussornerisigut imaluunniit paarlaassornerisigut.

Sulininni tiimivit sumut inississornissaannut pilersaarusiulerussi, pissusissamisoortumik iluarsiissutissaqarnissaq illit sulisitsisullu pisussaaffigaarsi. Pilersaarusiornissinni sulinermi piffissaq katillugu tulluarsorineqartup qaanginnginnissaa eqqarsaatigineqassaaq.

Ilaannikkooriarlutit aamma toqqakkatut inuiaqatigiinnik sullissininni akissarsiaqarsinnaatitaavutit. Taamaassappalli piumasaqaataavoq:
• Atorfinitsinneqarninni atugassarititaasut naapertorlugit toqqakkatut inuiaqatigiinnik sullissininni akissarsiaqarsinnaatitaassasutit
• Toqqakkatut inuiaqatigiinnik sullissininni akissarsisassanngitsutit

Ukiup ataatsip iluani ullut 60-it taamaallaat tamakkiisumik akissarsisinnaatitaavutit.